ბლოგი:
იანვარი 15, 2015
ავტორი Anika
არ ვიცი, სახლის კოსმეტიკურ არსენალში ვის რამდენი და რა ტიპის ნიღაბი გაქვთ, მაგრამ ერთი ხარისხიანი და ეფექტური გამწმენდი ნიღაბი აუცილებლად რომ უნდა იქონიოთ, ეს კარგად ვიცი. ამიტომაც, დღეს რამდენიმე ასეთი ნიღაბი დავტესტოთ და შემდეგ თქვენ გადაწყვიტეთ, რომლის შეძენა ღირს და რომლის არა.
L'occitane-ის დამატენიანებელი ნიღაბი "Angelica" - მსუბუქი, კრემისებური ტექსტურა აქვს და ზომიერი, ძალიან სასიამოვნო სურნელით გამოირჩევა. როგორც მწარმოებელი გვარწმუნებს, ნიღაბი იდეალური შველაა ცივ ამინდში გამომშრალი, გაუწყლოვანებული კანისთვის - ის ანგელიკას მცენარის წყალი და მცენარეული შაქარი კანს სინოტივის ნაკლებობის დაძლევაში ეხმარება. ნიღაბი ინსტრუქციის თანახმად, 3 წუთით უნდა გაიჩეროთ, თუმცა იდეალური ეფექტისთვის ვფიქრობ, 10-15 წუთი უკეთესი იქნება.
Darphin Purifying Aromatic Clay Mask - ეს ნიღაბი პრობლემური კანისთვის არის განკუთვნილი: დაპირების მიხედვით, ის კანს კარგად ასუფთავებს დაბინძურებისგან, ამშვიდებს მას და დაღლილ კანს ჯანმრთელ იერს უბრუნებს. ეს მსუბუქი ნიღაბი არ აშრობს კანს, იდეალურად ატენიანებს მას და ფრიად სასიამოვნო, არამძაფრი არომატი აქვს.
Nuxe-ის ეს თიხის ნიღაბი მგრძნობიარე - მშრალიც და ცხიმიანიც - კანისთვისაა განკუთვნილი. თუ ხშირ შემთხვევაში, თიხის ნიღაბი სახის კანს აშრობს, ეს ნიღაბი ასეთ შეგრძნებას ნამდვილად არ მოგგვრით. 92%-ით ნატურალური ინგრედიენტებისგან შემდგარი პროდუქტი კაოლინზე, ვარდის, როზმარინის და ლავანდის ეთერზეთებზეა დამზადებული და ღვთაებრივი არომატი აქვს. ტექსტურა საკმაოდ უცნაურია შეხებისას: ზეფირს მოგაგონებთ, თუმცა, როგორც კი მის სახეზე წასმას მოახერხებთ, ის ადვილად და მსუბუქად ნაწილდება კანზე. ნიღაბი წაისვით საშუალო სისქეზე და 10 წუთი გაიჩერეთ.
Herbal Lavender Repair Mask - ეს ნიღაბი კომბინირებული კანისთვისაა: ის ანთებით ზონებს აცხრობს, კარგად ასუფთავებს კანს და აღმდგენი ფუნქციაც გააჩნია. ნიღაბი როზმარინის და ლავანდის ეთერზეთებს შეიცავს და სასიამოვნო მცენარეული სურნელი აქვს. მისი გამოყენების შემდეგ კანი საოცრად ხავერდოვანი და რბილი ხდება, ხოლო თუ ანთებით ზონებზე გინდათ ეფექტის მიღება, ასეთ შემთხვევაში ნიღაბი პრობლემურ მონაკვეთებზე უნდა წაისვათ და მთელი ღამით დაიტოვოთ.
მომდევნო პოსტამდე,
ანიკა
L'occitane-ის დამატენიანებელი ნიღაბი "Angelica" - მსუბუქი, კრემისებური ტექსტურა აქვს და ზომიერი, ძალიან სასიამოვნო სურნელით გამოირჩევა. როგორც მწარმოებელი გვარწმუნებს, ნიღაბი იდეალური შველაა ცივ ამინდში გამომშრალი, გაუწყლოვანებული კანისთვის - ის ანგელიკას მცენარის წყალი და მცენარეული შაქარი კანს სინოტივის ნაკლებობის დაძლევაში ეხმარება. ნიღაბი ინსტრუქციის თანახმად, 3 წუთით უნდა გაიჩეროთ, თუმცა იდეალური ეფექტისთვის ვფიქრობ, 10-15 წუთი უკეთესი იქნება.
Darphin Purifying Aromatic Clay Mask - ეს ნიღაბი პრობლემური კანისთვის არის განკუთვნილი: დაპირების მიხედვით, ის კანს კარგად ასუფთავებს დაბინძურებისგან, ამშვიდებს მას და დაღლილ კანს ჯანმრთელ იერს უბრუნებს. ეს მსუბუქი ნიღაბი არ აშრობს კანს, იდეალურად ატენიანებს მას და ფრიად სასიამოვნო, არამძაფრი არომატი აქვს.
Nuxe-ის ეს თიხის ნიღაბი მგრძნობიარე - მშრალიც და ცხიმიანიც - კანისთვისაა განკუთვნილი. თუ ხშირ შემთხვევაში, თიხის ნიღაბი სახის კანს აშრობს, ეს ნიღაბი ასეთ შეგრძნებას ნამდვილად არ მოგგვრით. 92%-ით ნატურალური ინგრედიენტებისგან შემდგარი პროდუქტი კაოლინზე, ვარდის, როზმარინის და ლავანდის ეთერზეთებზეა დამზადებული და ღვთაებრივი არომატი აქვს. ტექსტურა საკმაოდ უცნაურია შეხებისას: ზეფირს მოგაგონებთ, თუმცა, როგორც კი მის სახეზე წასმას მოახერხებთ, ის ადვილად და მსუბუქად ნაწილდება კანზე. ნიღაბი წაისვით საშუალო სისქეზე და 10 წუთი გაიჩერეთ.
Herbal Lavender Repair Mask - ეს ნიღაბი კომბინირებული კანისთვისაა: ის ანთებით ზონებს აცხრობს, კარგად ასუფთავებს კანს და აღმდგენი ფუნქციაც გააჩნია. ნიღაბი როზმარინის და ლავანდის ეთერზეთებს შეიცავს და სასიამოვნო მცენარეული სურნელი აქვს. მისი გამოყენების შემდეგ კანი საოცრად ხავერდოვანი და რბილი ხდება, ხოლო თუ ანთებით ზონებზე გინდათ ეფექტის მიღება, ასეთ შემთხვევაში ნიღაბი პრობლემურ მონაკვეთებზე უნდა წაისვათ და მთელი ღამით დაიტოვოთ.
მომდევნო პოსტამდე,
ანიკა