ბლოგი:
მაისი 13, 2013
ავტორი Anika
ხომ იცით, როგორც ხდება ხოლმე - ყოველ ჯერზე, სეზონების მონაცვლეობას შესაბამისი კოსმეტიკური ცვლილებებიც სდევს თან, განწყობები სხვაგვარი ხდება, რის პარალულურად მაკიაჟიც ამ განწყობასთან ჰარმონიული გვჭირდება. ამჯერადაც, შედარებით გრილ და პასტელურ ფერებში გადაწყვეტილ გაზაფხულის სეზონს მალე ნათელი ფერებით გაჯერებული ზაფხული ჩაანაცვლებს მალე. მოდით, გადავხედოთ რა ტენდენციებს გვთავაზოვენ სხვადასხვა კოსმეტიკური ბრენდები ზაფხულის ცხელი თვეებისთვის.
ნარინჯისფერი ზაფხული - სტაფილოსფერი, მანდარინისფერი, ფორთოხლისფერი - რომელიც გსურთ, ის უწოდეთ, მაგრამ ფაქტია, რომ ფერთა ეს პალიტრა მომდევნო თვეებში ძალიან აქტუალური იქნება. ვიზაჟისტები გვაგულიანებენ და გვირჩევენ, არ მოვერიდოთ მაკიაჟში ერთდროულად რამდენიმე ნარინჯისფერი ელემენტის გამოყენებას. ასე რომ თამამად შეგიძლიათ, არჩევანი ამ ტონალობის ტუჩის საცხზე, “რუმიანაზე” და ფრჩხილის ლაქზე ერთდროულად გააკეთოთ.
გალურჯებამდე - მუქი ლურჯი ფერი, პირველ რიგში, ხაზს უსვამს მუქი ფერის თვალებს და ძალიან ლამაზ გამომეტყველებას ანიჭებს მათ. გარდა ამისა, ის ძალიან უხდება მსუბუქ ნარუჯს და საზღვაო განწყობებსაც იდეალურად ესადაგება.
ცისფერი ლაგუნა - ზღვის ტალღების ტონალობები იდეალური არჩევანია ზაფხულისთვის. თუ კარგად დააკვირდებით, მიხვდებით, რომ ეს ფერი ნებისმიერი სახის კანს უხდება და იდეალური ელემენტია მსუბუქი, სარელაქსაციო განწყობის მოსაგვრელად. სხვათაშორს, ვიზაჟისტებს თუ დავუჯერებთ, ცისფერი თვალის ხაზები (ისრებს რომ ვუწოდებთ) ძალიან უხდება ნარინჯისფერ პომადას. ასე, რომ წინ ექსპერიმენტებისკენ!
ცისფერისთვის მეტი დრამატულობის მისაცემად, არაერთმა კოსმეტიკურმა ბრენდმა ამ ფერს მბზინავი პიგმენტები დაუმატა, რის შედეგადაც მწვანედან ლურჯამდე გარდამავალი მდიდარი პალიტრა მივიღეთ.
იასამნების სეზონი - ჩემზე გაბედულები თუ იასამნისფერზე შეაჩერებთ არჩევანს და იმავდროულად მოდურ ტენდენციებსაც არ ჩამორჩებით, მაშინ ვიზაჟისტები ხასხასა იასამნისფერს გირჩევენ. ამ ფერის პროდუქტები შეგიძლიათ ფრჩხილის ლაქებშიც მოიძიოთ და თვალის ჩრდილებშიც, ყველაზე უკომპრომისოებს კი ამ ფერის პომადის შეძენის შესაძლებლობაც გექნებათ.
მომდევნო პოსტამდე,
ანიკა
ნარინჯისფერი ზაფხული - სტაფილოსფერი, მანდარინისფერი, ფორთოხლისფერი - რომელიც გსურთ, ის უწოდეთ, მაგრამ ფაქტია, რომ ფერთა ეს პალიტრა მომდევნო თვეებში ძალიან აქტუალური იქნება. ვიზაჟისტები გვაგულიანებენ და გვირჩევენ, არ მოვერიდოთ მაკიაჟში ერთდროულად რამდენიმე ნარინჯისფერი ელემენტის გამოყენებას. ასე რომ თამამად შეგიძლიათ, არჩევანი ამ ტონალობის ტუჩის საცხზე, “რუმიანაზე” და ფრჩხილის ლაქზე ერთდროულად გააკეთოთ.
გალურჯებამდე - მუქი ლურჯი ფერი, პირველ რიგში, ხაზს უსვამს მუქი ფერის თვალებს და ძალიან ლამაზ გამომეტყველებას ანიჭებს მათ. გარდა ამისა, ის ძალიან უხდება მსუბუქ ნარუჯს და საზღვაო განწყობებსაც იდეალურად ესადაგება.
ცისფერი ლაგუნა - ზღვის ტალღების ტონალობები იდეალური არჩევანია ზაფხულისთვის. თუ კარგად დააკვირდებით, მიხვდებით, რომ ეს ფერი ნებისმიერი სახის კანს უხდება და იდეალური ელემენტია მსუბუქი, სარელაქსაციო განწყობის მოსაგვრელად. სხვათაშორს, ვიზაჟისტებს თუ დავუჯერებთ, ცისფერი თვალის ხაზები (ისრებს რომ ვუწოდებთ) ძალიან უხდება ნარინჯისფერ პომადას. ასე, რომ წინ ექსპერიმენტებისკენ!
ცისფერისთვის მეტი დრამატულობის მისაცემად, არაერთმა კოსმეტიკურმა ბრენდმა ამ ფერს მბზინავი პიგმენტები დაუმატა, რის შედეგადაც მწვანედან ლურჯამდე გარდამავალი მდიდარი პალიტრა მივიღეთ.
იასამნების სეზონი - ჩემზე გაბედულები თუ იასამნისფერზე შეაჩერებთ არჩევანს და იმავდროულად მოდურ ტენდენციებსაც არ ჩამორჩებით, მაშინ ვიზაჟისტები ხასხასა იასამნისფერს გირჩევენ. ამ ფერის პროდუქტები შეგიძლიათ ფრჩხილის ლაქებშიც მოიძიოთ და თვალის ჩრდილებშიც, ყველაზე უკომპრომისოებს კი ამ ფერის პომადის შეძენის შესაძლებლობაც გექნებათ.
მომდევნო პოსტამდე,
ანიკა